View Single Post
Old 03-12-2014, 03:15 PM   #1
Rekhta

Users Flag!
 
Join Date: Feb 2014
Location: Delhi
Posts: 38
Rekhta is on a distinguished road
Default yaar ko mai.n ne mujhe yaar ne sone na diyaa

yaar ko mai.n ne mujhe yaar ne sone na diyaa
raat bhar taala-e-bedaar ne sone na diyaa

KHaak par sa.ng-e-dar-e-yaar ne sone na diyaa
dhuup me.n saaya-e-diivaar ne sone na diyaa

shaam se vasl kii shab aa.nkh na jhapkii taa sub.h
shaadi-e-daulat-e-diidaar ne sone na diyaa

ek shab bulbul-e-betaab ke jaage na nasiib
pahlu-e-gul me.n kabhii KHaar ne sone na diyaa

raat bhar kii.n dil-e-betaab ne baate.n mujh se
ranj o mehnat ke giraftaar ne sone na diyaa

sach hai Gam-KHvaari-e-biimaar azaab-e-jaa.n hai
taa dam-e-marg dil-e-zaar ne sone na diyaa
Rekhta is offline   Reply With Quote