View Single Post
Old 04-25-2014, 11:49 AM   #11
Rekhta

Users Flag!
 
Join Date: Feb 2014
Location: Delhi
Posts: 38
Rekhta is on a distinguished road
Default Re: ai dil ab aur ko.ii qissa-e-duniyaa na sunaa

ai dil ab aur ko.ii qissa-e-duniyaa na sunaa
chhe.D de zikr-e-vafaa haa.n ko.ii afsaana sunaa

Giibat-e-dahr bahut gosh-e-gunahgaar me.n hai
kuchh Gam-e-ishq ke ausaaf-e-kariimaana sunaa

kaar-e-diiroz abhii aa.nkho.n se kahaa.n simTaa hai
KHuu.n rulaane ke liye qissa-e-fardaa na sunaa

daaman-e-baad ko hai daulat-e-shabnam kaafii
ruuh ko zikr-e-tunuk-baKHshi-e-dariyaa na sunaa

sunte hai.n us me.n vo jaada hai ki dil chiiz hai kyaa
sunte hai.n us pe vo aalam hai ki dekhaa na sunaa

gosh-e-behosh vo kyaa jis ne ki ha.ngaam-e-navaa
ko.ii naala hii lab-e-nai se nikaltaa na sunaa

ham-nashii.n pardagi-e-raaz ise kahte hai.n
lab-e-saaGar se kisii rind kaa charchaa na sunaa

kuchh ajab chaal se jaataa hai zamaana ab ke
hashr dekhe hai.n magar hashr kaa GauGaa na sunaa

ba.Dh gayaa roz-e-qayaamat se shab-e-Gam kaa sukuut
jism-e-aadam me.n kahii.n dil hii dha.Daktaa na sunaa

nauha-e-Gam ko.ii us bazm me.n chhe.De kyuu.nkar
jis ne giito.n ko bhii baa-KHaatir-e-begaana sunaa
Rekhta is offline   Reply With Quote