Urdu Planet Forum -Pakistani Urdu Novels and Books| Urdu Poetry | Urdu Courses | Pakistani Recipes Forum  

Go Back   Urdu Planet Forum -Pakistani Urdu Novels and Books| Urdu Poetry | Urdu Courses | Pakistani Recipes Forum > Islam > Islam > Zikar Dua

Notices

Reply
 
Thread Tools Display Modes
Old 10-15-2017, 10:18 PM   #1
journalist
Moderator

Users Flag!
 
Join Date: Nov 2011
Posts: 13,576
journalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond reputejournalist has a reputation beyond repute
Default Adab E Dua

دعا کے آداب

المیہ ہے کہ مسلمان دعا کی حقیقت سے واقف نہیں ہے، رسمی رواجی طور پر چند رٹے ہوئے الفاظ دہرا کر منہ پر ہاتھ پھیر لیتے ہیں، اور اسی کو دعا سمجھتے ہیں، حالانکہ دعا ایک حقیقت رکھتی ہے، کچھ شرائط و ضوابط چاہتی ہے اور چند آداب کا تقاضا کرتی ہے، اگر اْن آداب کی رعایت کی جائے، تب دعا عند اللہ مقبول ہوگی اور اپنا اثر دکھائے گی اور اگر اْن آداب کی رعایت کیے بغیر دعا مانگی جائے، تو اس میں جان نہ ہوگی اور اس کے ذریعے حاجات پوری نہ ہوں گی۔ دعا کے چند آداب ذیل میں بیان کیے جارہے ہیں۔
اخلاص اور یقین
دعا گہرے اخلاص اور پاکیزہ نیت کے ساتھ مانگی جائے، اپنی دعاؤں کو نمود ونمائش، ریا کاری اور شرک سے پاک رکھا جائے، اور پورے یقین اور وثوق کے ساتھ دعا مانگی جائے کہ وہ ہمارے حالات سے پورا واقف اور انتہائی مہربان ہے، وہ اپنے بندوں کی پکار کو سنتا ہے اور ان کی دعاؤں کو قبول بھی فرماتا ہے۔
خشوع و خضوع
دعا کرتے وقت خشوع خضوع اور بتکلف اپنے اوپر منت، سماجت اور رونے کی کیفیت کو ظاہر کرنا نہایت ضروری ہے۔ سیدنا ابو بکرصدیقؓ کا فرمان ہے کہ اگر تمہیں رونا نہ آئے تو رونے جیسے شکل ہی بنا لو، رونے والی دعا رنگ لاتی ہے۔ غزوہ بدر کے موقع پر نبیؐ کے پوری رات رونے نے کیا اثر دکھلایا کہ چھوٹی سی جماعت نے کفار مکہ کو شکست فاش دے دی اور سلطان صلاح الدین ایوبی کی ساری رات آہ وزاری نے دشمن کے بحری بیڑے کو غرق کردیا، دعائیں آج ان صفات سے خالی ہیں۔
ظاہر اور باطن کو پاک رکھنا
دعا مانگتے وقت ظاہری آداب، طہارت، پاکیزگی کا پورا پورا خیال رکھنا چاہیے اور قلب کو بھی ناپاک جذبات اور گندے خیالات سے پاک رکھنا چاہیے۔
دعا دل سے مانگنی چاہیے
نبیؐ کا فرمان ہے کہ اللہ تعالیٰ غافل دل کی دعا کو قبول نہیں کرتا۔ (مسلم )
بقول شاعر مشرق علامہ محمد اقبالؒ ؂
بات جو دل سے نکلتی ہے، اثر رکھتی ہے
پرَ نہیں، طاقتِ پرواز مگر رکھتی ہے
اس لیے دعا کرتے وقت ہمہ تن متوجہ ہو کر دعا مانگنی چاہیے۔
تنگ نظری
دعا میں تنگ نظری اور خود غرضی سے بھی بچنا چاہیے اور خدا کی عام رحمت کو محدود سمجھنے کی غلطی کر کے اس کے فیض و بخشش کو اپنے لیے خاص کرنے کی دعا نہ کرنی چاہیے۔ ابوہریرہؓ فرماتے ہیں کہ مسجدِ نبوی میں ایک بدو آیا، اس نے نماز پڑھی، پھر دعا مانگی اور کہا اے خدا! مجھ پر اور محمدؐ پر رحم فرما اور ہمارے ساتھ کسی اور پر رحم نہ فرما۔ نبی اکرمؐ نے فرمایا: ’’تو نے خدا کی وسیع رحمت کو تنگ کردیا۔‘‘ (بخاری)
مسنون دعائیں
جو دعائیں نبی اکرمؐ نے اپنی مبارک زبان سے مانگی ہیں، ان کا اہتمام کرنا چاہیے، ان ادعیہ نے قبولیت کے درواز ے دیکھ رکھے ہیں اور عربی میں مانگنے کو ترجیح دی جائے۔ علامہ شامی نے اس پر بڑی تاکید فرمائی ہے۔
دعا کے ساتھ اسباب
صرف دعا پر اکتفا کرنا کہ اے اللہ! مجھے گھر بیٹھے بیٹھے رزق دے دے اور پورا دن گھر میں پڑا رہے، کوئی سبب اختیار نہ کرے، ایسی دعا کہاں قبول ہوگی؟
نبی اکرمؐ غزوہ خندق میں بھوک کی وجہ سے نڈھال ہورہے تھے، لیکن سبب اختیار کرنے (کچھ سالن اور روٹی ملنے) کے بعد آپ نے برکت کی دعا مانگی، تب دعا کے اثرا ت ظاہر ہوئے۔
دعا مانگتے رہنا چاہیے
خدا کے حضور اپنی عاجزی، احتیاج اور عبودیت کا اظہار خود ایک عبادت ہے، خدا نے خود دعا کرنے کا حکم دیا ہے اور فرمایا ہے کہ بندہ جب مجھے پکارتا ہے تو میں اس کی سنتا ہوں۔ اس لیے دعا مانگنے سے کبھی نہ اکتائیے اور اس چکر میں کبھی نہ پڑئیے کہ دعاسے تقدیر بدلے گی یا نہیں، تقدیر کا بدلنا نہ بدلنا، دعا کا قبول کرنا یا نہ کرنا خدا کا کام ہے، جو علیم و حکیم ہے۔ بندے کا کام بہر حال یہ ہے کہ وہ ایک فقیر اور محتاج کی طرح برابر اس سے دعا کرتا رہے اور لمحہ بھر کے لیے بھی خو د کو بے نیاز نہ سمجھے، نبی اکرمؐ کا ارشاد ہے کہ ’’سب سے بڑا عاجز وہ ہے جو دعا کرنے میں عاجز ہو۔ ‘‘ (طبرانی)
باتکلف قافیہ بندی
دعا سادہ انداز میں مانگنی چاہیے، باتکلف قافیہ بندی، گانے اور سر ہلانے سے پرہیز کرنا چاہیے، نبی اکرمؐ نے اس سے منع فرمایا ہے اور ایسی کیفیت کو ناپسند فرمایا ہے۔
قبولیتِ دعا کے خاص اوقات وحالات
خدا سے ہر آن دعا مانگتے رہنا چاہیے کہ وہ اپنے بندوں کی فریاد سے کبھی نہیں اکتاتا، البتہ احادیث سے معلوم ہوتا ہے کہ کچھ خاص اوقات اور مخصوص حالات ایسے ہیں، جن میں خصوصیت کے ساتھ دعائیں جلد قبول ہوتی ہیں، لہذا ان مخصوص حالات میں دعاؤ ں کا خصوصی اہتمام کرنا چاہیے۔ ذیل میں ان کا تذکرہ کیا جاتا ہے :
*رات کے پچھلے حصہ میں۔ *شبِ قدر میں۔ *عرفہ کے دن یعنی 9 ذی الحجہ کو۔ *جمعے کے مخصوص اوقات میں (خطبے کے شروع ہونے سے نماز کے ختم تک یا اس دن نماز عصر کے بعد سے نماز مغرب تک )۔ *اذان کے وقت *میدانِ جہاد میں صف بندی کے وقت۔ *اذان اور تکبیر کے درمیانی وقفے میں۔ *رمضان کے مبارک ایام میں، بالخصوص افطارکے وقت۔ *فرض نمازوں کے بعد۔ *سجدے کی حالت میں۔ *شدید مصیبت اور انتہائی رنج و غم کی حالت میں۔ *کسی دینی مجلس میں۔ *قرآن پاک کے ختم کے وقت *بارش برسنے کے وقت۔
ان تمام اوقا ت وحالات میں دعاکی قبولیت کی تصدیق احادیث مبارکہ میں آئی ہوئی ہے۔
اللہ تعالیٰ ہم سب کو آداب کے ساتھ دعا مانگنے کی توفیق عطا فرمائیں۔ آمین!
journalist is offline   Reply With Quote
Reply

Bookmarks

Tags
adab, dua


Currently Active Users Viewing This Thread: 1 (0 members and 1 guests)
 
Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

Similar Threads
Thread Thread Starter Forum Replies Last Post
~ Polling For Urdu Adab competition sep 2013~ LaZy PrInCeSs Monthly Competitions Polling 3 09-24-2013 04:00 AM
POLLING FOR URDU ADAB COMPETITION, JUNE 2013 maliktaimoorabbas old Competitions archieves 8 06-29-2013 11:02 AM
Urdu Adab CompEtition Of October .::!sяα wαQαs::. old Competitions archieves 7 10-12-2011 02:24 PM
Urdu Adab Competition Of july 2011 chocolate old Competitions archieves 7 09-25-2011 12:52 AM
CoOk!nG CompEtition Of September…. .::!sяα wαQαs::. old Competitions archieves 86 09-25-2011 12:36 AM


All times are GMT +6. The time now is 02:39 PM.


Powered by vBulletin® Version 3.8.9
Copyright ©2000 - 2019, vBulletin Solutions, Inc.